നെതര്ലന്ഡ് ---- --------------------------------------------- കളിയുടെ തുടക്കം മുതല് ഹോളണ്ടിന്റെ മുന്നേറ്റമാണ് കാണാന് കഴിഞ്ഞത്. ബ്രസിലിനെ കെട്ടുകെട്ടിച്ച ആത്മവിശ്വാസവുമായിട്ടാണ് ഹോളണ്ട് സെമി ഫൈനല് കളിക്കാന് ഇറങ്ങിയിരിക്കുന്നത്. 3 -മത്തെ മിനിറ്റില് തന്നെ ഹോളണ്ടിന്റെ സ്നൈഡര്-ന്റെ ഒരു ഷോട്ട് ഗോളി തട്ടി തെറിപ്പിച്ച പന്ത് കുയിറ്റ് അടിച്ചത് നേരിയ വ്യത്യാസത്തിനാണ് പുറത്തേയ്ക്ക് പോയത്. 18 -മത്തെ മിനിറ്റില് ഹോളണ്ടിന്റെ ക്യാപ്റ്റന് ബ്രോങ്കോസ്റ്റ് മദ്ധ്യനിരയില് നിന്നും ലഭിച്ച പന്തുമായി മുന്നേറി തൊടുത്തു വിട്ട ഒരു ഉഗ്രന് ഷോട്ട് ഉറുഗ്വേ-യുടെ ഗോളി-യെ ഞെട്ടിച്ചുക്കൊണ്ട് ഗോള് വലയില് തുളച്ചു കയറി. 1 : 0 . ഗോള് വീണതും ഉറുഗ്വേ ഒന്നു പതറിയെങ്കിലും സാവധാനത്തില് താളം കണ്ടെത്താന് തുടങ്ങി. 21 -മത്തെ മിനിറ്റില് ഉറുഗ്വേ-യുടെ മാക്സി പെരൈര-യ്ക്ക് മഞ്ഞ കാര്ഡ് കിട്ടി. 29 -മത്തെ മിനിറ്റില് ഹോളണ്ടിന്റെ സ്നൈഡര്-ക്കും ഉറുഗ്വേ-യുടെ കസെറേസ്നും മഞ്ഞ കാര്ഡ് കിട്ടി. 39 -മത്തെ മിനിറ്റില് കുയിറ്റ്-നു ഒരവസരം കിട്ടിയെങ്കിലും പാഴായി പോയി. 40 -മത്തെ മിനിറ്റില് ഉറുഗ്വേ-യുടെ ഫോര്ലാന്-ന്റെ ഒരു ഉഗ്രന് ഷോട്ട് ഹോളണ്ടിന്റെ ഗോളിയ്ക്ക് തടുക്കാന് കഴിഞ്ഞില്ല. ഗോള് ! 1 : 1 . മൂന്നു മിനിറ്റുകള്ക്ക് ശേഷം ഫോര്ലാന് ഒരു ഫ്രീകിക്ക് എടുത്തത് പിടിചെടുത്തു. രണ്ടാം പകുതിയില് ഉറുഗ്വേ കുറച്ചുംകൂടി ശക്തമായ കളി പുറത്തെടുത്തു. 66 -മത്തെ മിനിറ്റില് ഫോര്ലാന്-ന്റെ ഒരു ഫ്രീകിക്ക് ഗോളി തട്ടി തെറിപ്പിച്ചു രക്ഷപ്പെടുത്തി. 70 -മത്തെ മിനിറ്റില് ഹോളണ്ടിന്റെ വാന് പെഴ്സി -യുടെ പാസില് സ്നൈഡര്-ന്റെ ഷോട്ട് ഉറുഗ്വേ-യുടെ വല കുലുക്കി. 2 : 1 . ഉറുഗ്വേ-യുടെ ഫോര്ലാന് മികച്ച ചില മുന്നേറ്റങ്ങള് നടത്തിയെങ്കിലും ലക്ഷ്യം കണ്ടില്ല. ഫോര്ലാന്-നു പന്തെത്തിച്ചു കൊടുക്കുന്നതില് പെരസും, കവാനിയും മികവു കാട്ടി. 73 -മത്തെ മിനിറ്റില് ഫോര്ലാന്-ന്റെ ഒരു ഷോട്ട് ഗോളി പിടിച്ചു നിര്ത്തി. 73 -മത്തെ മിനിറ്റില് പൊന്തി വന്ന പന്ത് ഹോളണ്ടിന്റെ റോബന് ഹെഡ് ചെയ്ത് മൂന്നാമത്തെ ഗോള് നേടി. 3 : 1 . ഉറുഗ്വേ-യുടെ ബുലരൌസ്-നു മഞ്ഞ കാര്ഡ് കിട്ടി. കളിയുടെ അവസാന നിമിഷത്തില് ഉറുഗ്വേ-യുടെ മാക്സി പെരൈര രണ്ടാമത്തെ ഗോള് തിരിച്ചടിച്ചു. 3 : 2 . അവസാന സെക്കെണ്ടില് ഹോളണ്ടിന്റെ ബോമ്മല്-നു മഞ്ഞ കാര്ഡ് കിട്ടി. ആവേശം നിറഞ്ഞ മത്സരത്തിനൊടുവില് ഉറുഗ്വേ-യെ രണ്ടിനെതിരെ മൂന്നു ഗോളുകള്ക്ക് കീഴടക്കിക്കൊണ്ട് ഓറഞ്ചുപ്പട ഫൈനലിലേയ്ക്ക് പ്രവേശിച്ചു. ഗോളടിച്ച പുലികള് ! ---------------------------------- ബ്രോങ്കോസ്റ്റ് ( 1 ) = ഹോളണ്ട് ഫോര്ലാന് ( 1 ) = ഉറുഗ്വേ സ്നൈഡര് ( 1 ) = ഹോളണ്ട് റോബന് ( 1 ) = ഹോളണ്ട് മാക്സി പെരൈര ( 1 ) = ഉറുഗ്വേ --------------------------------------------------------- നെതര്ലന്ഡ് 3 : 2 ഉറുഗ്വേ ----------------------------------------------   |
************
